ಿ

हरिः ओम्

Sloka Text in Telugu , Kannada, Gujarati, Devanagari, English

સુન્દરકાણ્ડ્.
અથ વિંશસ્સર્ગઃ

સ તાં પરિવૃતામ્ દીનાં નિરાનન્દાં તપસ્સ્વિનીમ્|
સાકારૈર્મથુરૈર્વાક્યૈઃ ન્યદર્શયત રાવણઃ||1||

માં દૃષ્ટ્વા નાગનાસોરુ ગૂહમાન સ્તનોદરમ્|
અદર્શનમિવાત્માનં ભયાન્નેતું ત્વ મિચ્ચસિ||2||

કામયેત્વાં વિશાલાક્ષી બહુમન્યસ્વ માં પ્રિયે|
સર્વાઙ્ગ ગુણ સંપન્ને સર્વલોકમનોહરે||3||

નેહ કેચિન્મનુષ્યા વા રાક્ષસાઃ કામરૂપિણઃ|
વ્યપસર્પતુ તે સીતે ભયં મત્તસ્સમુત્થિતમ્||4||్

સ્વધર્મો રક્ષસાં ભીરુ સર્વથૈવ નસંશયઃ|
ગમનં વા પરસ્ત્રીણાં હરણં સંપ્રમધ્ય વા||5||

એવં ચૈતદકામં તુ ન ત્વાં સ્પ્રક્ષ્યામિ મૈથિલિ|
કામં કામઃ શરીરે મે યથા કામં પ્રવર્તતામ્||6||

દેવી નેહ ભયં કાર્યં મયિ વિશ્વસિહિ પ્રિયે|
પ્રણયસ્વ ચ તત્વેન મૈવં ભૂઃ શોકલાલસા||7||

એકવેણીધરાશય્યા ધ્યાનં મલિન મંબરમ્|
અસ્થાનેઽપ્યુપવાસશ્ચ નૈતા ન્યૌપયિકાનિ તે||8||

વિચિત્રાણિ ચ માલ્યાનિ ચન્દનાન્યગરૂણિ ચ|
વિવિધાનિ ચ વાસાંસિ દિવ્યાન્યાભરણાનિચ ||9||

મહાર્હાણિ ચ પાનાનિ શયનાન્યાસનાનિ ચ|
ગીતં નૃત્તં ચ વાદ્યંચ લભ માં પ્રાપ્ય મૈથિલિ||10||

સ્ત્રી રત્નમસિ મૈવં ભૂઃ કુરુ ગાત્રેષુ ભૂષણં|
માં પ્રાપ્ય હિ કથં નુ સ્યાત્ ત્વમનર્હા સુવિગ્રહે||11||

ઇદં તે ચારુ સંજાતં યૌવનં વ્યતિવર્તતે|
યત્ અતીતં પુનર્નૈતિ સ્રોતઃ શીઘ્રમપામિવ||12||

ત્વાં કૃત્વોપરતો મન્યે રૂપકર્તા સ વિશ્વસૃક્ |
ન હિ રૂપોપમા ત્વન્યા તવાસ્તિ શુભદર્શને||13||

ત્વાં સમસાદ્ય વૈદેહી રૂપયૌવનશાલિનીમ્|
કઃ પુમા નતિવર્તેત સાક્ષા દપિ પિતામહઃ||14||

યદ્યત્ પશ્યામિ તે ગાત્રં શીતાંશુસદૃશાનને|
તસ્મિં સ્તસ્મિન્ પૃથુશ્રોણી ચક્ષુર્મમ નિબધ્યતે||15||

ભવ મૈથિલિ ભાર્યા મે મોહ મેનં વિસર્જય|
બહ્વિનાં ઉત્તમસ્ત્રીણાં આહૃતાનામ્ ઇતઃ તતઃ||16||

સર્વાસામેવ ભદ્રંતે મમાગ્રમહીષીભવ|
લોકેભ્યો યાનિ રત્નાનિ સંપ્રમથ્યાહૃતાનિ વૈ||17||

તાનિ મે ભીરુ સર્વાણિ રાજ્યં ચૈતદહં ચ તે|
વિજિત્ય પૃથિવીં સર્વાં નાનાનગરમાલિનીમ્||18||

જનકાય પ્રદાસ્યામિ તવ હેતોર્વિલાસિની|
નેહ પશ્યામિ લોકેઽન્યં યો મે પ્રતિબલો ભવેત્ ||19||

પશ્યમે સુમહદ્વીર્યં અપ્રતિદ્વન્દ્વમાહવે|
અસકૃત્ સંયુગે ભગ્ના મયા વિમૃદિતધ્વજાઃ||20||

અશક્તાઃ પ્રત્યનીકેષુ સ્થાતું મમ સુરાસુરાઃ|
ઇચ્ચયા ક્રિયતા મદ્ય પ્રતિકર્મ તવોત્તમમ્||21||

સપ્રભાણ્યવસજ્યન્તાં તવાઙ્ગે ભૂષણાનિચ|
સાધુ પશ્યામિ તે રૂપં સંયુક્તં પ્રતિકર્મણા||22||

પ્રતિકર્માભિ સંયુક્તા દાક્ષિણ્યેન વરાનને|
ભુંક્ષ્વભોગાન્ યથાકામં પિબ ભીરુ રમસ્વ ચ||23||
'
યથેષ્ટં ચ પ્રયચ્ચ ત્વં પૃથિવીં વા ધનાનિ ચ|
લલસ્વ મયિ વિસ્રબ્દા ધૃષ્ટ માજ્ઞાપયસ્વ ચ||24||

મત્પ્રસાદા લ્લલન્ત્યાશ્ચ લલન્તાં ભાન્ધવા સ્તવ |
બુદ્ધિં મામનુપશ્ય ત્વં શ્રિયં ભદ્રે યશશ્ચ મે||25||

કિં કરિષ્યસિ રામેણ સુભગે ચીરવાસસા|
નિક્ષિપ્ત વિજયો રામો ગતશ્રીઃ વનગોચરઃ||26||

વ્રતી સ્થણ્ડિલશાયી ચ શઙ્કે જીવતિ વા ન વા|
ન હિ વૈદેહિ રામ સ્ત્વાં દ્રષ્ટું વાપ્યુપલપ્સ્યતે||27||

પુરો બલાકૈ રસિતૈઃ મેઘૈઃ જ્યોત્સ્નામિવાવૃતમ્|
ન ચાપિ મમ હસ્તા ત્ત્વામ્ પ્રાપ્તુ મર્હતિ રાઘવઃ||28||

હિરણ્યકશિપુઃ કીર્તિં ઇંદ્રહસ્તગતામિવ|
ચારુસ્મિતે ચારુદતિ ચારુનેત્રે વિલાસિનિ|| 29||

મનોહરસિ મે ભીરુ સુપર્ણઃ પન્નગં યથા|
ક્લિષ્ટ કૌશેયવસનાં તન્વી મપ્યનલઙ્કૃતામ્||30||

તાં દૃષ્ટ્વા સ્વેષુ દારેષુ રતિં નોપલભામ્યહમ્|
અન્તઃપુર નિવાસિન્યઃ સ્ત્રિયઃ સર્વગુણાન્વિતાઃ||31||

યાવંત્યો મમ સર્વાસામ્ ઐશ્વ્વર્યં કુરુ જાનકિ|
મમ હ્યસિતકેશાંતે ત્રૈલોક્યપ્રવરા સ્સ્ત્રિયઃ||32||

તાસ્ત્વાં પરિચરિષ્યન્તિ શ્રિય મપ્સરસો યથા|
યાનિ વૈશ્રવણે સુભ્રુ રત્નાનિ ધનાનિ ચ||33||

તાનિ લોકાંશ્ચ સુશ્રોણિ માં ચ ભુઙ્‍ક્ષ્વ યથા સુખમ્|
ન રામસ્તપસા દેવિ ન બલેન ન વિક્રમૈઃ|
ન ધનેન મયા તુલ્યઃ તેજસા યશસાઽપિ વા|34||

પિબ વિહર રમસ્વ ભુઙ્‍ક્ષ્વ ભોગાન્
ધનનિચયં પ્રદિશામિ મેદિનીં ચ|
મયિ લલ લલને યથાસુખં ત્વં
ત્વયિ ચ સમેત્ય લલન્તુ બાન્ધવાસ્તે || 35||

કુસુમિત તરુજાલ સંતતાનિ
ભ્રમરયુતાનિ સમુદ્રતીરજાનિ|
કનક વિમલ હારભૂષિતાઙ્ગિ
વિહર મયા સહ ભીરુ કાનનાનિ||36||

ઇત્યાર્ષે શ્રીમદ્રામાયણે આદિકાવ્યે વાલ્મીકીયે
ચતુર્વિંશત્ સહસ્રિકાયાં સંહિતાયામ્
શ્રીમત્સુન્દરકાણ્ડે વિંશસ્સર્ગઃ||

||ઓમ્ તત્ સત્||
|| Om tat sat ||